قصيدة(زعل الحبيبه)؟؟؟(بل العراقي)

شفت روحي تودع بيك وياي..
وشفت كلك يشابكً كًام كلي
انتبهت وثاري مهجوره المحطات..
واثاري اشبكً بروحي ويبجٍي ظلي
يل طولك مهابه وحضرتك نور..
دوضيني بودادك جيت اصلي
ترف روحي اتركتني وجلبت بيك..
شلون اتريد تزعل بالله كًلي
من تزعل مشانق عينك اتصير..
صعد ماجد لعينك ما نزلي
لان انه ويه انته الواحد نكون..
اذا تزعل بعد بالروح شلي
القسمه اتصير اذا يتخاصم اثنين...
وكًلب الواحد لواحد يدلي
بس انته الانا وروحي اني باللذات !!!
اذن مرفوض كل زعلك يخلي
اذن مرفوض كل زعلك يخلي

جميل جدا بس الله لايجيب الزعل ... اذا عندك قصائد فرح يا ريت تحطها بالمنتدى و الك كل الشكر

ان شاء الله اكو تدل انت م.محمد نجيب للك قصائد فرح