اسمع احلا سرعة النت

سرعة النت في العالم كله عالية .. و احنا هنا لسة نفوسنا شايلة
سرعة النت في العالم كله صاروخ .. احنا هنا جالنا منكم وجع نافوخ
التحميل هناك بينزل في ثواني .. انتم هنا مصممين تذلونا تاني
الصفحة بتفتح هناك في لحظة .. و احنا هنا سرعاتنا في محنة
حرام عليكم بقى نشفتوا دمنا .. سرعات زبالة من قلة بختنا
السرعات في الدول العربية واصلة 20 ميجا .. و احنا لسة على سرعة ويكا يا ويكا
يا ريتها كمان سرعات رخيصة .. إحنا خلاص نفوسنا مش عزيزة
كمان فلاشات بتفصل بدون أسباب .. طيب حتى افتكروا إن آخرتنا في التراب
كل شوية يقول لك استخدام عادل .. طيب خليتو فينا إيه لسة فاضل ؟
لسة عايشين على أمل نزول عروض .. و لما تسأل يقول لك اسكت يا نمرود
اتعودنا خلاص نرضى بفتافيت السرعات .. و لما تعليها يقول لك هات فلوس هات ؟
اتعودنا خلاص يفرضوا علينا سرعات عقيمة .. متعودين على الربط والشكيمة
كل شوية يقول لك سرعة الفلاشة تلاتة ميجا .. و هي مش محصلة واحد ميجا
كل شوية يقول لك إنترنت صاروخ .. و هو مش محصل نفخة في النافوخ
سبع شركات نت معذبانا كلنا .. سبع شركات ماصة فلوسنا و دمنا
بيقول لك المنافسة بينهم حامية .. طيب هيطبخوا لنا كوسة ولا بامية ؟
بيقول لك عرض الشهر بشهرين .. يا صلاة الزين يا صلاة الزين
بيقول لك هيشطبو الفواتير القديمة .. طيب اللي جاية ماهي بردو عظيمة
شعارهم الإنترنت متاح للجميع .. بس السرعات لسة في مرحلة التسقيع
لو مش عاجبك اتصل بخدمة العملاء .. عشان يتعصبو عليك بكبرياء
كل شوية يقفلوا في وشك السكة .. يمكن كان كلامك كلام سكة
هيأجرو لك راوتر كل شهر 20 جنيه .. و ادفع انت بقى و استحمل يا بيه
عاوز نظام مفتوح ولا نظام محدود .. عاوز تسكت ولا هتكون نمرود
بيقولوا إننا في عصر التكنولوجيا .. بس السرعات لسة فسيولوجيا
بيقولوا اصبرو و السرعات هتصبح عالية .. مش عارفين لغاية إمتى هتفضل غالية
السرعة في كوريا 50 ميجا .. و احنا بنتكلم على 64 كيلو يا مزيكا
لو كنت فقير مش قادر تدفع .. هنديلك فتافيت السرعة لغاية ما ترفع
لو كنت غني بتدفع زي ما احنا عايزين .. هنوفر عليك كتير و نصبح خالصين
يقول لك اشحن كارت أبو خمسين .. و لما يطيروا يقولك السيستم في التليين
يقول لك اسحن كارت أبو مية .. و لما يضيع يبقى تعمل جمعية
يقول لك اشحن كارت أبو عشرة .. ممكن تكسب كتير و تطلع في النشرة
ولما تكلم خدمة العملا و تكون حريص .. يقول لك أصل السيستم في التحديث
يقول لك ارجع اتصل بينا و قت تاني .. خلاص يا عم ماتبقاش أناني
يقول لك ثواني هيتم عملية تحويلك .. ثم تلاقي الخط فصل و مين يشكيلك
يقول لك كده العيب مش من عندنا .. أصل انت بصراحة مزعج و مش أدنا
تقول لهم الفلاشة بتفصل بدون أسباب .. يقول لك استنى لما اراجع الكتاب
علاطول يعطيك معلومات غلط .. مش مهم تخسر أو تاكل طوب و زلط
أصل الهانم و البيه بيقرا بسرعة من شاشة .. مش مهم كتاب ولا حتى كراسة
يقول لك ادي الإنترنت لأصحابه .. بس هتدفع دم قلبك و هاتبوس ترابه

[ندعوك للتسجيل في المنتدى أو التعريف بنفسك لمعاينة هذه الصورة]


ههههههههههههههههههههههههه

هههههههههههههههههههههههههههههههههههههههههههههه حلوة [ندعوك للتسجيل في المنتدى أو التعريف بنفسك لمعاينة هذه الصورة]